ރަމީޒުގެ ސައިކަލް ދުއްވަމުން ދިޔައީ ވަރަށް މަޑުންނެވެ. ކުއްލިއަކަށް ރަމީޒުގެ ސައިކަލް ހުއްޓާލަންޖެހުނީ މަގުމަތިން ދުވާރަށް ނާރާ، ހިނގާފައިއާ އަންހެން ކުއްޖެއްގެ ދޯޕައްޓާ ސައިކަލްގެ ކުރީފުރޮޅުގައި އަޅައިގަތުމުންނެވެ.
ރަމީޒު : " ތަންކޮޅެއްބަލައިގެން، ހިނގަން ހަދާފައިވާ، ދުވާރު މަތިން ހިނގައިބަލަ. ބަލާބަލަ. ދޯޕައްޓާ ހަލާކު ވީނު. " ދޯޕައްޓާގެ ކަނުން ތަންކޮޅެއް ހަލާކުވެފައި އިނެވެ.
ޝާނީ؛ " ސޮރީ...!"
ރަމީޒު އެކުއްޖާއާއި ދިމާލަށް ބަލައިލިއެވެ. ރަމީޒުއަށް ލިބުނީ ޝޮކެކެވެ. އެކުއްޖާއާއި ދިމާލަށް ބަލަހައްޓައިގެން ހުރެވުނީއެވެ.
ޝާނީ: " ސޮރީ" ޝާނީ ދެވަނަ ފަހަރަށް ތަކުރާރު ކޮށްލިއެވެ.
ރަމީޒު : " އާން ... އާން ... " ރަމީޒު ސިއްސައިގެން ދިޔައީ ޝާނީގެ ފޯން ރިންގުވާން ފެށީމައެވެ.
ޝާނީ : " ހަލޯ... މަންމާ..މިދަނީގެޔަށް....... އޮފީހު ކުދިން ވިލިގިއްޔަށް ދަތުރެއްރޭވީމަ ލަސްވީ.." ޝާނީ ފޯނަށް ޖަވާބު ދިނެވެ.
ރަމީޒު ؛ " ކޮންނަމެއްތަ ކިޔަނީ...!" ރަމީޒަށް ބޭއިޚުތިޔާރުގައި ނަންއަހާލެވުނެވެ.
ޝާނީ؛ " އަހަރެން ދާންވެއްޖެ.." ރަމީޒު ބަލަހައްޓައިގެން ހުރިގޮތުން ޝާނީ އަށް އުނދަގޫވާގޮތްވިއެވެ.
ޝާނީދިޔުމުން ރަމީޒު ސައިކަލަށް އަރައި ދުއްވާލިއެވެ.
ރަމީޒު ، ޝާހިދުމެންގޭ ދޮރޯށި ދޮށަށް ސައިކަލް މަޑުކޮށްލިއެވެ. ރަމީޒު ގެއަށް ވަންނަން ދިމާކޮށްލި ވަގުތާއި ޝާހިދު ގެއިން ނުކުންނަން ދިމާކޮށްލި ވަގުތާއި ވީއެއްވަގުތަކަށެވެ.
ޝާހިދު: " އަހަނ ރަމީޒު ކޮންދަތުރެއް. "
ރަމީޒު : " މިއައީ ދައްތަބޭއަށާއި ދައްތަ އަށް މިރޭ ކެއުމަކަށް ދަޢުވަތު ދޭންވެގެން. ކޮބައިދައްތަ؟ "
ޝާހިދު: " ކޮޓަރީގަ..! އަހަރެން މިދަނީ، ތަންކޮޅެއް އަވަހަށް ބޭރަށްދާން ޖެހިގެން..." ޝާހިދުގެ މޫނުމަތިން ހާސްކަން ފެންނަން ހުއްޓެވެ.
ޝާހިދު މިހެންބުނެ ދިޔައީއެވެ.
ރީނާ އިނީ ކޮޓަރީގައި ރޯށެވެ. ރީނާގެ މޫނުމަތިން ކޯތާފަތާއި ދިމާލުން ރަތްއަރާފައި ހުއްޓެވެ.
ރަމީޒު : " ދައްތާ...! ދައްތާ...! " ރަމީޒު ރީނާއަށް ގޮވަމުން ގޭތެރެއަށް ވަނެވެ.
ރީނާ؛ "ހައ.. ކޮއްކޮ... (މަޑުމަޑުން)" ރީނާ ސިއްސައިގެންގޮސް ކޮޅަށް ތެދުވިއެވެ.
ރަމީޒު އައިސް ކޮޓަރީގެ ދޮރު ހުޅުވާލިއެވެ.
0 comments:
Post a Comment